ಮೆಲ್ಕಾರ್: ತೋಟದಲ್ಲಿ ಕೆಲಸ ಮಾಡುತ್ತಿದ್ದ ಸಂದರ್ಭ ವಿದ್ಯುತ್ ಶಾಕ್ ತಗುಲಿ ಬೋಳಿಯಾರಿನ ಯುವಕ ಮೃತ್ಯು
Bydtv
Jun 9, 2023
ಮಂಗಳೂರು: ತೋಟದ ಕೆಲಸಕೆಂದು ತೆರಳಿದ ಯುವಕನೋರ್ವ ವಿದ್ಯುತ್ ಶಾಕ್ ಹೊಡೆದು ಮೃತಪಟ್ಟ ಘಟನೆ ಮೆಲ್ಕಾರ್ ಸಮೀಪದ ಆಲಂಪಾಡಿ ಎಂಬಲ್ಲಿ ಇಂದು ಸಂಭವಿಸಿದೆ.
ಘಟನೆಯಲ್ಲಿ ಮೃತಪಟ್ಟ ದುರ್ದೈವಿಯನ್ನು ಬೋಳಿಯಾರು ನಿವಾಸಿ ಇಬ್ರಾಹೀಮ್ ರವರ ಮಗ ಶಾಫಿ (29) ಎಂದು ಗುರುತಿಸಲಾಗಿದೆ.
ಇಂದು ಬೆಳಿಗ್ಗೆ ಆಲಂಪಾಡಿಯಲ್ಲಿ ಅಡಿಕೆ ತೆಗೆಯಲೆಂದು ಕೆಲಸಕ್ಕೆ ಹೋದ ಶಾಫಿ ಅಡಿಕೆ ತೆಗೆಯುವ ಕತ್ತಿ ಸರ್ವಿಸ್ ವಯರ್ ಗೆ ತಾಗಿದ್ದು ತಕ್ಷಣವೇ ಕರೆಂಟ್ ಶಾಕ್ ಹೊಡೆದ ಯುವಕ ಸ್ಥಳದಲ್ಲೇ ಮೃತಪಟ್ಟಿದ್ದಾನೆ ಎಂದು ತಿಳಿದು ಬಂದಿದೆ.ಮೃತದೇಹವನ್ನು ಬಂಟ್ವಾಳ ಶವಾಗರದಲ್ಲಿರಿಸಲಾಗಿದೆ ಎಂದು ತಿಳಿದು ಬಂದಿದೆ.
