ಅಶೋಕ್ ರೈ ಹಾಗೂ ಕುಂಬೋಳ್ ತಂಙಳ್ ಪರಸ್ಪರ ಭೇಟಿ; ಆಶಿರ್ವಾದ ಪಡೆದುಕೊಂಡ ಪುತ್ತೂರಿನ ಶಾಸಕ
ಗೆದ್ದ ಜಾತ್ಯಾತೀತ ನಾಯಕನಿಗೆ ಹಸ್ತಲಾಘವದೊಂದಿಗೆ ಶುಭವನ್ನು ಹಾರೈಸಿದ ಕುಂಬೋಳ್ ತಂಙಳ್
Bydtv
May 23, 2023
ಬೆಂಗಳೂರು: ರಾಜ್ಯದಲ್ಲಿ ಚುನಾವಣಾ ಸುಗ್ಗಿ ಮುಗಿದು ಈಗ ಹೊಸ ಫಸಲು ಬಂದಿದೆ. 16ನೇ ವಿಧಾನಸಭೆಯ ಮೊದಲ ಅಧಿವೇಶನ ಫುಲ್ ಕಲರ್ಫುಲ್ ಆಗಿದ್ದು, ನೂತನ ಶಾಸಕರು ಹೊಸ ಹುರುಪಿನಿಂದಲೇ ಸದನದಲ್ಲಿ ಭಾಗಿಯಾಗಿದ್ದಾರೆ.
ಮೂರು ದಿನಗಳ ವಿಶೇಷ ಅಧಿವೇಶನ ಆರಂಭವಾಗಿದ್ದು, ಪುತ್ತೂರು ವಿಧಾನಸಭಾ ಕ್ಷೇತ್ರದ ಶಾಸಕ ಅಶೋಕ್ ಕುಮಾರ್ ರೈ ಪ್ರಮಾಣವಚನ ಸ್ವೀಕಾರ ಮಾಡಿದ್ದಾರೆ.
ಮೊದಲ ಭಾರಿ ವಿಧಾನಸೌಧ ಪ್ರವೇಶಿಸಿದ ಶಾಸಕರಿಗೆ ಅಭಿನಂದನೆಗಳ ಮಹಾಪೂರವೇ ಹರಿದು ಬಂದಿದೆ.
ಇದೇ ಸಂದರ್ಭದಲ್ಲಿ ಧಾರ್ಮಿಕ ವಿದ್ವಾಂಸ ಕುಂಬೋಳ್ ತಂಙಳ್ ಹಾಗೂ ಪುತ್ತೂರಿನ ನೂತನ ಶಾಸಕರಾದ ಅಶೋಕ್ ಕುಮಾರ್ ರೈಯವರು ಪರಸ್ಪರ ಭೇಟಿಯಾಗಿದ್ದು ಧರ್ಮಗುರುವಾದ ಕುಂಬೋಳ್ ತಂಙಳ್‌ರವರಿಂದ ಆಶಿರ್ವಾದ ಪಡೆದುಕೊಂಡ ಶಾಸಕರಿಗೆ ಹಸ್ತಲಾಘವ ಮಾಡಿ ಶುಭ ಹಾರೈಸಿ ಅಭಿನಂದನೆ ಸಲ್ಲಿಸಿದ್ದಾರೆಂದು ತಿಳಿದು ಬಂದಿದೆ.
