ಮಂಗಳೂರು: ಅಮಲು ಪದಾರ್ಥಗಳ ವಿರುದ್ಧ ಸಮರ ಸಾರಿ ಲಕ್ಷಾಂತರ ಕಾರ್ಯಕರ್ತರನ್ನು ಸೃಷ್ಟಿಸಿದ ಹೆಮ್ಮೆ SSF ಗಿದೆ -ಸುಫ್ಯಾನ್ ಸಖಾಫಿ
SSF ವತಿಯಿಂದ ಮಂಗಳೂರಿನಲ್ಲಿ ಕಣ್ಮಣಿಸೆಳೆದ ಬೃಹತ್ ಅಝಾದಿ ರ್‍ಯಾಲಿ
Bydtv
Aug 9, 2023
ಮಂಗಳೂರು: ಅಮಲು ಪದಾರ್ಥಗಳ ವಿರುದ್ಧ ಸಮರ ಸಾರಿ ಲಕ್ಷಾಂತರ ಕಾರ್ಯಕರ್ತರನ್ನು ಸೃಷ್ಟಿಸಿದ ಹೆಮ್ಮೆ SSF ಗಿದೆ ಎಂದು SSF ರಾಜ್ಯಾಧ್ಯಕ್ಷ ಸುಫಿಯಾನ್ ಸಖಾಫಿ ಇಂದು ಮಂಗಳೂರಿನ ಅಡ್ಯಾರ್ ನಲ್ಲಿ ಕ್ವಿಟ್ ಇಂಡಿಯಾದ ಸವಿ ನೆನಪಿಗಾಗಿ ನಡೆದ ಬೃಹತ್ ಅಝಾದಿ ರ್‍ಯಾಲಿ ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದರು.
ಸೌಹಾರ್ದತೆಯ ಸುಂದರ ನಾಡನ್ನು ಸೃಷ್ಟಿಸಲು SSF “ನಾವು ಭಾರತೀಯರು” ಎಂಬ ಘೋಷ ವಾಕ್ಯದೊಂದಿಗೆ ಎಲ್ಲಾ ವರ್ಗದ ಜನರನ್ನು ಒಗ್ಗೂಡಿಸಿ ಸುಂದರ ಜಾತ್ಯತೀತ ರಾಷ್ಟ್ರವನ್ನು ಕಟ್ಟಲಿದೆ.ಪೂರ್ವಿಕರು ಬಿತ್ತಿದ ಸುಂದರ ಭಾರತ ಕಲುಷಿತವಾಗುತ್ತಿದೆ.ಪೂರ್ವಿಕರು ನಡೆದು ಬಂದ ಹಾದಿಯಲ್ಲೇ ಭಾರತೀಯರಾದ ನಾವು ಮುನ್ನುಗ್ಗಲಿದ್ದೇವೆ
ಆ ಸುಂದರ ಭಾರತದಲ್ಲಿ ಹಿಂದೂ ಮುಸ್ಲಿಂ ಕ್ರೈಸ್ತರು ಜೊತೆಯಾಗಲಿದ್ದೇವೆ.ಆ ಮೂಲಕ ನಾವು ಭಾರತೀಯರು ಎಂಬ
ಘೋಷ ವಾಕ್ಯಗಳನ್ನು ಮುಗಿಲು ಮುಟ್ಟುವವರೆಗೂ ಕೂಗಲಿದ್ದೇವೆ ಎಂದು ಅವರು ಹೇಳಿದರು.
SSF ಅಝಾದಿ ರ್‍ಯಾಲಿ ಕಾರ್ಯಕ್ರಮವು ಪಡೀಲ್ ನಿಂದ ಅಡ್ಯಾರ್ ಕಣ್ಣೂರು ಮೈದಾನದ ವರೆಗೆ ನಡೆಯಿತು.
ಕಾರ್ಯಕ್ರಮದಲ್ಲಿ ಸಾವಿರಾರು ಮಂದಿ ಕಾರ್ಯಕರ್ತರು ಬಾಗವಹಿಸಿದರು.
