ತಾನು ಕಲಿಸುತ್ತಿರುವ ಮಕ್ಕಳ ಜೊತೆ ಸ್ವಾತಂತ್ರ್ಯೋತ್ಸವ ಆಚರಿಸಲು ಮನೆಯಿಂದ ಹೊರಟ ಶಿಕ್ಷಕ; ರಸ್ತೆ ಅಪಘಾತದಲ್ಲಿ ದಾರುಣ ಮೃತ್ಯು
Bydtv
Aug 15, 2023
ತಾನು ಶಿಕ್ಷಣ ಕಲಿಸುತ್ತಿರುವ ಮಕ್ಕಳ ಜೊತೆ ಈ ಬಾರಿಯ ಸ್ವಾಂತಂತ್ರ್ಯ ದಿನವನ್ನು ಆಚರಿಸಲು ಹೊರಟಿದ್ದ ಶಿಕ್ಷಕರೋರ್ವರು ರಸ್ತೆ ಅಪಘಾತದಲ್ಲಿ ದಾರುಣವಾಗಿ ಮೃತಪಟ್ಟ ಘಟನೆ ಕಾರವಾರದ ಕುಮಾಟ ತಾಲೂಕಿನ ಹಳಕಾರ ಬಳಿ ನಡೆದಿದೆ ಎನ್ನಲಾಗಿದೆ.
ಭೀಕರ ಅಪಘಾತದಲ್ಲಿ ಮೃತಪಟ್ಟ ಶಿಕ್ಷಕನನ್ನು ಗುಡೇ ಅಂಗಡಿ ಶಾಲೆಯ ಗೋಪಾಲ ಪಟಗಾರ (50) ಎಂದು ಗುರುತಿಸಲಾಗಿದೆ.
ಗೋಪಾಲರು ತನ್ನ ದ್ವಿಚಕ್ರ ವಾಹನದಲ್ಲಿ ತೆರಳುತ್ತಿದ್ದ ಸಂದರ್ಭ ಎದುರಿನಿಂದ ಬಂದ ಬುಲೆರೊ ವಾಹನವೊಂದು ಡಿಕ್ಕಿಯಾದ ಪರಿಣಾಮ ರಸ್ತೆಗೆ ಎಸೆಯಲ್ಪಟ್ಟಿದ್ದು ಗಂಭೀರವಾಗಿ ಗಾಯಗೊಂಡ ಅವರು ಸ್ಥಳದಲ್ಲೇ ಮೃತ ಪಟ್ಟಿದ್ದಾರೆ ಎಂದು ಕುಮಟಾ ಠಾಣೆ ಪೊಲೀಸರು ತಿಳಿಸಿರುವ ಬಗ್ಗೆ ವರದಿಯಾಗಿದೆ.
