ಸುಳ್ಯ: ಕಾರು ಮತ್ತು ಬೈಕ್ ನಡುವೆ ಭೀಕರ ಅಪಘಾತ; ಮತದಾನ ಮಾಡಲೆಂದು ನಿನ್ನೆ ರಾತ್ರಿ ಮನೆಗೆ ಬರುತ್ತಿದ್ದ ಸಂದರ್ಭ ನಡೆದ ದುರ್ಘಟನೆ
ಓರ್ವ ದಾರುಣ ಮೃತ್ಯು, ಇನ್ನೋರ್ವ ಗಂಭೀರ; ಪುತ್ತೂರು ಮೂಲದ ಯುವಕರ ಪತ್ತೆಗಾಗಿ ಪರ್ಸಲ್ಲಿ ಸಿಕ್ಕಿದ ಡಾಕ್ಯುಮೆಂಟ್ ಹಂಚಿಕೊಂಡ ನಾಗರಿಕರು..!!
Bydtv
Apr 26, 2024
ಸುಳ್ಯ: ಬೈಕ್ ಮತ್ತು ಕಾರು ನಡುವೆ ಭೀಕರ ಅಪಘಾತ ಸಂಭವಿಸಿ ಬೈಕಿನಲ್ಲಿದ್ದ ಹಿಂಬದಿ ಸವಾರ ಮೃತಪಟ್ಟ ಘಟನೆ ಸುಳ್ಯದ ಕಲ್ಲುಗುಂಡಿಯ ದೊಡ್ಡಡ್ಕ ಎಂಬಲ್ಲಿ ನಿನ್ನೆ ರಾತ್ರಿ ಸಂಭವಿಸಿದೆ.
ನಿನ್ನೆ ರಾತ್ರಿ ಬೈಕಿನಲ್ಲಿ ಊರಿಗೆ ಬರುತ್ತಿದ್ದ ಸಂದರ್ಭ ಈ ಒಂದು ಅಪಘಾತ ಸಂಭವಿಸಿದೆ ಎನ್ನಲಾಗಿದೆ. ಯುವಕರಿಬ್ಬರು ಮತದ ಮತದಾನ ಮಾಡುವ ಉದ್ದೇಶದಿಂದ ತಮ್ಮ ಮನೆಗೆ ಬರುತ್ತಿದ್ದಂತಹ ಸಂದರ್ಭ ಕಾರು ಮತ್ತು ತಾವು ಚಲಿಸುತ್ತಿದ್ದ ಬೈಕ್ ನಡುವೆ ಭೀಕರ ಅಪಘಾತ ಸಂಭವಿಸಿದ್ದು ಹಿಂಬದಿ ಸವಾರ ದಾರುಣವಾಗಿ ಮೃತಪಟ್ಟಿದ್ದಾನೆ.
ಬೈಕ್ ಚಲಾಯಿಸುತ್ತಿದ್ದಂತಹ ಸವಾರ ಗಂಭೀರ ಗಾಯಗೊಂಡು ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಯುವಕರಿಬ್ಬರ ಗುರುತು ಪತ್ತೆಗಾಗಿ ಅವರ ವೋಟರ್ ಐಡಿ ಮತ್ತು ಲೈಸೆನ್ಸ್ ಅನ್ನು ಸಾಮಾಜಿಕ ಜಾಲತಾಣದಲ್ಲಿ ನಾಗರಿಕರು ಹಂಚಿಕೊಂಡಿದ್ದಾರೆ ಪುತ್ತೂರು ಮೂಲದ ಬೈಕ್ ಎಂದು ತಿಳಿದು ಬಂದಿದೆ.
