ಬಂಟ್ವಾಳ: ರಹೀಮ್ ಹತ್ಯೆ ದ.ಕ ಜಿಲ್ಲಾದ್ಯಾಂತ ಮುಸ್ಲಿಂ ವರ್ತಕರಿಂದ ಸ್ವಯಂ ಪ್ರೇರಿತ ಬಂದ್
ರಹೀಮ್ ಮೃತದೇಹ ನೋಡಲು ಹರಿದು ಬರುತ್ತಿರುವ ಜನ ಸಾಗರ; ಮುಗಿಲು ಮುಟ್ಟಿದ ಜನಾಕ್ರೋಶ
Bydtv
May 28, 2025
ಬಂಟ್ವಾಳ: ದುಷ್ಕರ್ಮಿಗಳಿಂದ ಹತ್ಯೆಗೀಡಾದ ರಹೀಮ್ ರವರ ಹತ್ಯೆ ಖಂಡಿಸಿ ದ.ಕ ಜಿಲ್ಲಾದ್ಯಾoತ ಮುಸ್ಲಿಂ ವರ್ತಕರಿಂದ ಸ್ವಯಂ ಪ್ರೇರಿತ ಬಂದ್ ನಡೆಸಿ ಆಕ್ರೋಶ ವ್ಯಕ್ತಪಡಿಸಲಾಯಿತು.
ಜಿಲ್ಲೆಯ ಮಂಗಳೂರು,ಬಂಟ್ವಾಳ,ಪುತ್ತೂರು ಬೆಳ್ತಂಗಡಿ,ಉಪ್ಪಿನಂಗಡಿ,ಕಡಬ,ಸುಳ್ಯ ಸಹಿತ ವಿವಿಧ ಕಡೆಗಳಲ್ಲಿ ಮುಸ್ಲಿಂ ವರ್ತಕರು ತಮ್ಮ ವ್ಯಾಪಾರ ವಹಿವಾಟುಗಳನ್ನು ಅಂಗಡಿ ಮುಗ್ಗಟ್ಟುಗಳನ್ನು ಬಂದ್ ಮಾಡಿಸಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ರಹೀಮ್ ರವರ ಮೃತದೇಹ ನಿರ್ಮಾಣ ಹಂತದ ಅವರ ಮನೆಗೆ ತಲುಪಿದ್ದು ಮೃತದೇಹ ನೋಡಲು ಜನಸಾಗರವೇ ಹರಿದು ಬರುತ್ತಿದೆ.
ಮೃತದೇಹವನ್ನು ಮಂಗಳೂರುನಿಂದ ರಹೀಮ್ ರವರ ಕೋಳ್ತಮಜಲು ಮನೆಗೆ ಕರೆ ತರುವ ವೇಳೆ ಫರಂಗಿಪೇಟೆ ಮತ್ತು ಬಿಸಿರೋಡ್ ನಲ್ಲಿ ಆಂಬುಲೆನ್ಸ್ ನ್ನು ತಡೆದು ಸಾರ್ವಜನಿಕರು ಸರ್ಕಾರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.
