';
}
else
{
echo "Sorry! You are Blocked from seeing the Ads";
}
?>
ಕೋಝಿಕ್ಕೋಡ್: ತಿಂಗಳ ಹಿಂದೆ ದುಬೈನಲ್ಲಿ ನಿಗೂಢವಾಗಿ ಮೃತಪಟ್ಟ ಆಲ್ಬಮ್ ನಟಿ ರಿಫಾ ಮೆಹನು ಅವರ ಮರಣೋತ್ತರ ಪರೀಕ್ಷೆಯ ವಿವರವಾದ ವರದಿಯನ್ನು ಎರಡು ದಿನಗಳಲ್ಲಿ ತನಿಖಾ ತಂಡಕ್ಕೆ ಹಸ್ತಾಂತರಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಪ್ರಾಥಮಿಕ ತನಿಖೆಯಿಂದ ಕೊಲೆ ಎಂಬ ಶಂಕೆ ವ್ಯಕ್ತವಾಗಿದೆ. ರಿಫಾ ಅವರ ಕುತ್ತಿಗೆಯಲ್ಲಿ ಆಳವಾದ ಗಾಯದ ಗುರುತುಗಳಿದ್ದವು ಎಂದು ಪ್ರಾಥಮಿಕ ಮರಣೋತ್ತರ ಪರೀಕ್ಷೆಯ ವರದಿ ತಿಳಿಸಿದೆ.
ಆಲ್ಬಂ ನಟಿ ರಿಫಾ ಮೆಹ್ನು, ಮಾರ್ಚ್ 1 ರಂದು ದುಬೈನಲ್ಲಿ ನಿಗೂಢವಾಗಿ ಶವವಾಗಿ ಪತ್ತೆಯಾಗಿದ್ದರು. ಆಕೆಯ ಪತಿ ಮೆಹನಾಜ್ ರಿಫಾ ದೈಹಿಕವಾಗಿ ಮತ್ತು ಮಾನಸಿಕವಾಗಿ ಕಿರುಕುಳ ನೀಡಿದ್ದಾನೆ ಎಂದು ಕುಟುಂಬದವರು ಆರೋಪಿಸಿದ್ದರು. ಕುಟುಂಬದವರ ಆರೋಪದ ಮೇರೆಗೆ ಅಧಿಕಾರಿಗಳ ತಂಡವು ನಿನ್ನೆ ಶವವನ್ನು ಹೊರತೆಗೆದು ಮರಣೋತ್ತರ ಪರೀಕ್ಷೆ ನಡೆಸಲು ನಿರ್ಧರಿಸಿತ್ತು.
';
}
else
{
echo "Sorry! You are Blocked from seeing the Ads";
}
?>
ರಿಫಾ ಮೃತದೇಹ ಕೊಳೆತಿಲ್ಲದ ಕಾರಣ ಮೃತದೇಹವನ್ನು ಸಮಾಧಿಯಿಂದ ಹೊರತೆಗೆದು ಪರೀಕ್ಷಿಸಿದಾಗ ಆಕೆಯ ಕತ್ತಿನ ಮೇಲಿನ ಗಾಯದ ಗುರುತುಗಳು ಗಮನಕ್ಕೆ ಬಂದಿವೆ. ವಿವರವಾದ ಪರೀಕ್ಷೆಯ ಅಗತ್ಯವಿರುವುದರಿಂದ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜು ಆಸ್ಪತ್ರೆಯ ಶವಾಗಾರಕ್ಕೆ ಸ್ಥಳಾಂತರಿಸಲಾಯಿತು.
ರಿಫಾ ಅವರು ಉಸಿರುಗಟ್ಟಿದರೇ, ಅವರ ತಲೆಬುರುಡೆ ಸೇರಿದಂತೆ ದೇಹಕ್ಕೆ ಏನಾದರೂ ಹಾನಿಯಾಗಿದೆಯೇ ಅಥವಾ ಯಾವುದೇ ವಿಷಕಾರಿ ಅಂಶಗಳು ಸೇರಿಕೊಂಡಿದೆಯೇ ಎಂದು ನಿರ್ಧರಿಸಲು ಶವಪರೀಕ್ಷೆಗೆ ಕಳುಹಿಸಲಾಗಿದೆ. ವಿವರವಾದ ಮರಣೋತ್ತರ ಪರೀಕ್ಷೆಯ ವರದಿಯನ್ನು ಪಡೆದ ನಂತರ, ಅಗತ್ಯವಿದ್ದರೆ ತನಿಖೆಯನ್ನು ದುಬೈಗೆ ವಿಸ್ತರಿಸುವುದಾಗಿ ಪೊಲೀಸರು ತಿಳಿಸಿದ್ದಾರೆ.
';
}
else
{
echo "Sorry! You are Blocked from seeing the Ads";
}
?>
ಮಾರ್ಚ್ 1 ರ ರಾತ್ರಿ ದುಬೈನ ತನ್ನ ಫ್ಲಾಟ್‌ನಲ್ಲಿ ರಿಫಾ ಶವವಾಗಿ ಪತ್ತೆಯಾಗಿದ್ದಳು. ರಿಫಾ ಮೃತದೇಹವನ್ನು ಅಲ್ಲಿಯೇ ಮರಣೋತ್ತರ ಪರೀಕ್ಷೆ ನಡೆಸಿರುವುದಾಗಿ ಆಕೆಯ ಪತಿ ಮೆಹನಾಜ್ ಹಾಗೂ ಸ್ನೇಹಿತರು ಹೇಳಿ ವಂಚಿಸಿದ್ದಾರೆ ಎಂದು ಕುಟುಂಬದವರು ಆರೋಪಿಸಿದ್ದರು. ಮನೆಗೆ ಬರುವ ತರಾತುರಿಯಲ್ಲಿ ಶವವನ್ನು ಹೂತು ಹಾಕಿರುವುದು ಅನುಮಾನಕ್ಕೆ ಎಡೆಮಾಡಿಕೊಟ್ಟಿತ್ತು.
ಕುಟುಂಬದವರ ಅನುಮಾನದ ಮೇರೆಗೆ, ಶನಿವಾರ ಬೆಳಗ್ಗೆ 10 ಗಂಟೆ ಸುಮಾರಿಗೆ ಪಾವಂತೂರು ಜುಮಾ ಮಸೀದಿಯ ಸ್ಮಶಾನದಿಂದ ರಿಫಾ ಮೃತದೇಹವನ್ನು ಹೊರತೆಗೆಯಲಾಯಿತು. ತಾಮರಸ್ಸೆರಿ ಡಿವೈಎಸ್ಪಿ ಟಿ.ಕೆ.ಅಶ್ರಫ್ ನೇತೃತ್ವದ ತನಿಖಾ ತಂಡ ಕೋಝಿಕ್ಕೋಡ್ ತಹಸೀಲ್ದಾರ್ ಪ್ರೇಮಲಾಲ್ ಅವರ ಸಮ್ಮುಖದಲ್ಲಿ ವಿಚಾರಣೆ ನಡೆಸಿ, ಸರಕಾರಿ ವೈದ್ಯಕೀಯ ಕಾಲೇಜಿಗೆ ಮೃತದೇಹವನ್ನು ಸ್ಥಳಾಂತರಿಸಲಾಯಿತು. ಸಂಜೆ ಮತ್ತೆ ಮಸೀದಿಗೆ ಪಾರ್ಥಿವ ಶರೀರವನ್ನು ತಂದು ಅಂತ್ಯಕ್ರಿಯೆ ನಡೆಸಲಾಯಿತು.
ಕೋಝಿಕ್ಕೋಡ್ ಸಬ್ ಕಲೆಕ್ಟರ್ ವಿ ಚೆಲ್ಸಾ ಸಿನಿ, ವೈದ್ಯಕೀಯ ಕಾಲೇಜಿನ ಫೋರೆನ್ಸಿಕ್ ವಿಭಾಗದ ಮುಖ್ಯಸ್ಥ ಡಾ. ಲೀಸಾ, ಕಾಕೂರು ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಸಿ.ಎಂ.ಶಾಜಿ, ಮಹಲ್ ಸಮಿತಿ ಅಧ್ಯಕ್ಷ ಅಹ್ಮದ್ ಕೋಯಾ ಹಾಜಿ, ಕಾರ್ಯದರ್ಶಿ ಎನ್.ಕೆ.ನೌಫಲ್, ಎಂ.ಅಬ್ದುರ್ರಹ್ಮಾನ್, ಶರೀಫ್ ಮಂಡಲ್, ರಿಫಾ ಅವರ ಸಹೋದರ ರಿಜುನ್, ಸೋದರ ಸಂಬಂಧಿ ಉಬೈದ್ ಮೃತದೇಹವನ್ನು ಹೊರತೆಗೆಯುವಾಗ ಸ್ಥಳದಲ್ಲಿದ್ದರು.
';
}
else
{
echo "Sorry! You are Blocked from seeing the Ads";
}
?>
