ಹೆತ್ತ ಮಗುವನ್ನೇ ತನ್ನ ಕೈಯ್ಯಾರೆ ಬ್ಲೇಡಿನಿಂದ ಇರಿದು ಕೊಲೆಗೈದ ಹೆತ್ತಬ್ಬೆ
ಇನ್ನು ಪುಟ್ಟ ಹೆಜ್ಜೆ ಇಟ್ಟು ನಡೆದಾಡಬೇಕಾದ ಒಂದು ವರ್ಷದ ಮುಗ್ದ ಬಾಲಕ ಇನ್ನಿಲ್ಲ
Bydtv
Jun 10, 2023
ಹೆತ್ತು ಹೊತ್ತು ಸಾಕಿದ ತಾಯಿಯೇ ಪುಟ್ಟ ಮಗುವನ್ನು ತನ್ನ ಕೈಯ್ಯಾರೆ ಕೊಂದು ಹಾಕಿದ ಹೃದಯ ವಿದ್ರಾವಕ ಘಟನೆ ತುಮಕೂರು ಜಿಲ್ಲೆಯ ಮಧುಗಿರಿ ಪಟ್ಟನದಲ್ಲಿ ನಡೆದಿದೆ.
ತಿಪ್ಪಾಪುರ ಚತ್ರದ ಹಿಂಭಾಗದ ಮನೆಯಲ್ಲಿ ಆಟವಾಡುತ್ತಿದ್ದ ಮಗುವನ್ನು ತಾಯಿ ಶ್ವೇತಾ ಎಂಬವರು ಏಕಾಏಕಿಯಾಗಿ ಕೈಯ್ಯನ್ನು ಕೊಯ್ದಿದ್ದಾರೆ.
ಕೈಯಲ್ಲಿ ತೀವ್ರವಾದ ರಕ್ತಸ್ರಾವ ಉಂಟಾಗಿ ಮಗು ಸ್ಥಳದಲ್ಲೇ ಮೃತಪಟ್ಟ ಘಟನೆ ನಡೆದಿದೆ.
ಈ ಒಂದು ಘಟನೆಯಲ್ಲಿ ಮೃತಪಟ್ಟ ಪುಟ್ಟ ಬಾಲಕ ಕ್ರಿತೀಶ್(೧) ಬಾಲಕ ಎಂದು ತಿಳಿದು ಬಂದಿದೆ.
ಇಷ್ಟೇಲ್ಲಾ ಘಟನೆ ನಡೆದ ಬಳಿಕ ತಾಯಿಯು ತನ್ನ ಕತ್ತನ್ನು ಕೊಯ್ದುಕೊಂಡಿದ್ದು ಅವರನ್ನು ತಕ್ಷಣ ಜಿಲ್ಲಾ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.ಶಿವಾನಂದ ಅವರ ಪತ್ನಿಯಾದ ಶ್ವೇತಾ ಮಾನಸಿಕ ಅಸ್ವಸ್ಥೆಯಾಗಿದ್ದು ನಿಮಾನ್ಸ್ ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು ಎಂದು ತಿಳಿದು ಬಂದಿದೆ.
ಸ್ಥಳಕ್ಕೆ ಡಿವೈಎಸ್ಪಿ ಪಿ.ಕೆ ವೆಂಕಟೇಶ್ ನಾಯ್ಡು ಭೇಟಿ ನೀಡಿ ಪರಿಶೀಲನೆ ನಡೆಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ.
