ಹೆಲಿಕಾಫ್ಟರ್ ದುರಂತ; ಇರಾನ್ ಅಧ್ಯಕ್ಷ ಇಬ್ರಾಹಿಂ ರಹಿಸಿ ಮೃತ್ಯು..!!
ದುರಂತಕ್ಕೆ ಕಾರಣವೇನು..? ಯಾಕೆ ಹೀಗಾಯ್ತು ನೋಡಿ
Bydtv
May 20, 2024
ಹೊಸದಿಲ್ಲಿ: ಹೆಲಿಕಾಪ್ಟರ್ ದುರಂತದಲ್ಲಿ ಇರಾನ್ ಅಧ್ಯಕ್ಷ ಇಬ್ರಾಹಿಂ ರಹಿಸಿ ಮತ್ತು ಅವರ ವಿದೇಶ ಸಚಿವ ಮೃತಪಟ್ಟಿದ್ದಾರೆ ಎಂದು ಇರಾನ್ ಅಧಿಕಾರಿಯೊಬ್ಬರು ರಾಯ್ಸರ್ಸ್ ಸುದ್ದಿ ಸಂಸ್ಥೆಗೆ ತಿಳಿಸಿದ ಬಗ್ಗೆ ವರದಿಯಾಗಿದೆ. ಆದರೆ ಈ ಬಗ್ಗೆ ಇರಾನ್ ಸರ್ಕಾರದ ಇದುವರೆಗೆ ಅಧಿಕೃತ ಹೇಳಿಕೆ ನೀಡಿಲ್ಲ.
ಹೆಲಿಕಾಫ್ಟರ್ ದಟ್ಟ ಮಂಜಿನಿಂದ ಆವೃತವಾದ ಪರ್ವತ ಪ್ರದೇಶ ಒಂದರ ಮೇಲೆ ಸಾಗುತ್ತಿದ್ದಾಗ ಈ ದುರಂತ ಸಂಭವಿಸಿದೆ ಹೆಲಿಕಾಪ್ಟರ್ ಪತ್ತೆಯಾದರು ಅದರಲ್ಲಿದ್ದ ಪ್ರಯಾಣಿಕರು, ಜೀವಂತವಾಗಿರುವ ಕುರಿತು ಯಾವುದೇ ಮಾಹಿತಿ ಸುಳಿವು ಲಭ್ಯವಾಗಿಲ್ಲ ಎಂದು ಇರಾನ್ ಸ್ಟೇಟ್ ಟಿವಿ ವರದಿ ಮಾಡಿದ ಬಗ್ಗೆ ತಿಳಿದು ಬಂದಿದೆ.
ಅಧ್ಯಕ್ಷರು ಪ್ರಯಾಣಿಸುತ್ತಿದ್ದ ಹೆಲಿಕಾಪ್ಟರ್ ನಾಪತ್ತೆಯಾಗಿದೆ ಎಂಬ ಸುದ್ದಿಗಳ ಬೆನ್ನಲ್ಲಿ 60ಕ್ಕೂ ಹೆಚ್ಚು ರಕ್ಷಣಾ ತಂಡಗಳು ಕಠಿಣ ಹವಾಮಾನ ಪರಿಸ್ಥಿತಿಗಳ ನಡುವೆ ಶೋಧಗಳನ್ನು ನಡೆಸಿದ್ದವು.
ಆರಂಭಿಕ ವರದಿಗಳ ಪ್ರಕಾರ ಇದೊಂದು ಅಪಘಾತವೆಂದು ಇರಾನ್ ಸ್ಟೇಟ್ ಮಾಧ್ಯಮ ವರದಿ ಮಾಡಿದೆ ಅಧ್ಯಕ್ಷರ ತಂಡದಲ್ಲಿದ್ದ ಇಬ್ಬರು ರಕ್ಷಣಾ ತಂಡವನ್ನು ಸಂಪರ್ಕಿಸಿದ್ದರು ಎಂದು ಎಕ್ಸಿಕ್ಯೂಟಿವ್ ಆಫೇರ್ಸ್ ಉಪಾಧ್ಯಕ್ಷ ಮುಪ್ಪಿನ್ ಮನ್ಸೂರಿ ಹೇಳಿದ್ದಾರೆ.
