ಪುತ್ತೂರು: ಗಾಂಜಾ ಎಂಡಿಎಂ ಸಪ್ಲೈ ಮಾಡುತ್ತಿದ್ದ ಆರೋಪಿಗಳನ್ನು ಹಿಡಿದು ಪೊಲೀಸರಿಗೊಪ್ಪಿಸಿದ ಪಾಟ್ರಾಕೋಡಿಯ ಯುವಕರ ತಂಡ..!!
ಖಚಿತ ಮಾಹಿತಿ ಮೇರೆಗೆ ಆರೋಪಿಗಳ ಮೇಲೆ ಸಿನಿಮೀಯ ರೀತಿಯಲ್ಲಿ ಅಟ್ಯಾಕ್ ಮಾಡಿದ ಪಾಟ್ರಾಕೋಡಿ ಯುವಕರು; ಮೆಚ್ಚುಗೆ ವ್ಯಕ್ತಪಡಿಸಿದ ಸಾವರ್ಜನಿಕರು..!!
Bydtv
May 20, 2024
ಪುತ್ತೂರು: ಮಿತ್ತೂರಿನ ಪಾಟ್ರಕೋಡಿಯ ಕೆದಿಲ ಗ್ರಾಮದ ಕಲ್ಲಸರ್ಪೆ ಎಂಬಲ್ಲಿ ಗಾಂಜಾ ಸಾಗಿಸುತ್ತಿದ್ದ ಖಚಿತ ಮಾಹಿತಿಯನ್ನು ಪಡೆದುಕೊಂಡ ಪಾಟ್ರಕೊಡಿಯ ಯುವಕರ ತಂಡ ದಾಳಿ ನಡೆಸಿ ಆರೋಪಿಗಳನ್ನು ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ.
ಇತ್ತೀಚಿನ ದಿನಗಳಲ್ಲಿ ಪಾಟ್ರಕೋಡಿಯ ಸುತ್ತು ಭಾಗದಲ್ಲಿ ಗಾಂಜಾ ಮತ್ತು ಎಂಡಿಎಂ ಸಪ್ಲೈ ಮಾಡುತ್ತಿರುವ ಮಾಹಿತಿಯು ಇಲ್ಲಿನ ಯುವಕರಿಗೆ ಲಭ್ಯವಾಗಿದ್ದು ಆರೋಪಿಗಳನ್ನು ಕೈಯಾರೆ ಹಿಡಿಯಲು ಬಲೆ ಬೀಸಿದ್ದರು.
ಇಂದು ಮತ್ತೆ ಅದೇ ಆರೋಪಿಗಳು ಗಾಂಜಾವನ್ನು ಹಿಡಿದುಕೊಂಡು ಬರುತ್ತಿರುವ ಮಾಹಿತಿ ಬಂದಿದ್ದು ಆಟೋರಿಕ್ಷಾ ಮತ್ತು ಬೈಕ್ ನಲ್ಲಿ ಬಂದ ಆರೋಪಿಗಳನ್ನು ಇಲ್ಲಿನ ಯುವಕರು ಸಿನಿಮೀಯ ರೀತಿಯಲ್ಲಿ ಹಿಡಿದಿದ್ದು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಒಂದು ಬೈಕ್ ಮತ್ತು ಆಟೋರಿಕ್ಷಾದ ಜೊತೆಗೆ ಆರೋಪಿಗಳನ್ನು ಪೊಲೀಸರು ವಶಕ್ಕೆ ಪಡೆದ ಬಗ್ಗೆ ಮಾಹಿತಿ ತಿಳಿದು ಬಂದಿದೆ.
