ಜನಪ್ರಿಯ ಟೆಕ್ ಕಂಪೆನಿ ಆ್ಯಪಲ್ ತನ್ನ ಸ್ಮಾರ್ಟ್ಫೋನ್ ಸರಣಿಯ ಹೊಚ್ಚ ಹೊಸ ಮೊಬೈಲ್ ಐಫೋನ್ 13 ಸೆಪ್ಟೆಂಬರ್ 14 ರಂದು ಅನಾವರಣಗೊಳಿಸಲಿದೆ. ಮಂಗಳವಾರ ನಡೆಯಲಿರುವ ಆ್ಯಪಲ್ ಈವೆಂಟ್ನಲ್ಲಿ ಹೊಸ ಫೋನ್ ಹಾಗ ಆ್ಯಪಲ್ ವಾಚ್ ಸಿರೀಸ್ 7 ಅನ್ನು ಪರಿಚಯಿಸಲಿದೆ. ಅಷ್ಟೇ ಅಲ್ಲದೆ ಇದೇ ವಾರದಿಂದ ಅಂದರೆ ಸೆಪ್ಟೆಂಬರ್ 17 ರಿಂದ ಆ್ಯಪಲ್ ಉತ್ಪನ್ನಗಳು ಗ್ರಾಹಕರ ಕೈ ಸೇರಲಿದೆ ಎಂದು ವರದಿಯಾಗಿದೆ.
ಈ ಬಾರಿ ಆ್ಯಪಲ್ ಕಂಪೆನಿ ನಾಲ್ಕು ಮಾಡೆಲ್ಗಳನ್ನು ಪರಿಚಯಿಸಲಿದ್ದು, ಅದರಂತೆ iPhone 13, iPhone 13 Pro, iPhone 13 Mini ಮತ್ತು iPhone 13 Pro Max ಸ್ಮಾರ್ಟ್ಫೋನ್ಗಳು ಖರೀದಿಗೆ ಲಭ್ಯವಿರಲಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಈ ವರದಿ ಬೆನ್ನಲ್ಲೇ ಸಾಮಾಜಿಕ ಜಾಲತಾಣಗಳಲ್ಲಿ ಐಫೋನ್-13 ಫೋಟೋಗಳು ಹರಿದಾಡುತ್ತಿದ್ದು, ಹೊಸ ಸ್ಮಾರ್ಟ್ಫೋನ್ ಬಗ್ಗೆ ಮೊಬೈಲ್ ಪ್ರಿಯರಲ್ಲಿ ಕುತೂಹಲ ಹೆಚ್ಚಾಗಿದೆ.
ಪ್ರಸ್ತುತ ಮಾಹಿತಿ ಪ್ರಕಾರ, ಮುಂಬರುವ ಐಫೋನ್ A15 ಚಿಪ್‌ನಿಂದ TSMC ಯ 5nm+ ಪ್ರೊಸೆಸ್ ಹೊಂದಿರಲಿದೆ. ಹಾಗೆಯೇ ಐಫೋನ್ 13 ಶ್ರೇಣಿಯು ಲಿಡಾರ್ ಸೆನ್ಸರ್ ಅನ್ನು ಸಹ ಹೊಂದಿರಲಿದೆ ಎಂದು ನಿರೀಕ್ಷಿಸಲಾಗಿದೆ. ಈ ಸೆನ್ಸರ್ ಅನ್ನು ಈ ವರ್ಷದ ಮಾರ್ಚ್‌ನಲ್ಲಿ ಮೊದಲ ತಲೆಮಾರಿನ ಐಪ್ಯಾಡ್ ಪ್ರೊನಲ್ಲಿ ಪರಿಚಯಿಸಲಾಗಿತ್ತು.
ಲಿಡಾರ್ ತಂತ್ರಜ್ಞಾನವು ರಿಯಾಲಿಟಿ ಅನುಭವ ಅನುಭವಗಳನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಹಾಗೆಯೇ ತ್ವರಿತವಾಗಿ ವೀಕ್ಷಿಸಲು ಮತ್ತು ಗುರುತಿಸಲು ಅಪ್ಲಿಕೇಶನ್‌ಗಳನ್ನು ಸಕ್ರಿಯಗೊಳಿಸುತ್ತದೆ. ಇದರ ಜೊತೆಗೆ, ಮುಂಬರುವ ಐಫೋನ್ 13 ಸರಣಿಯು ಕ್ವಾಲ್ಕಾಮ್‌ನ ಸ್ನಾಪ್‌ಡ್ರಾಗನ್ ಎಕ್ಸ್ 60 5 ಜಿ ಮೋಡೆಮ್ ಅನ್ನು ಹೊಂದಿರಲಿದೆ ಎಂದು ತಿಳಿಸಲಾಗಿದೆ. 5 nm ಪ್ರಕ್ರಿಯೆಯಲ್ಲಿ ನಿರ್ಮಿಸಲಾಗಿರುವ X60 ಐಫೋನ್ 12 ಮಾದರಿಗಳಲ್ಲಿ ಬಳಸಲಾಗುವ 7nm ಆಧಾರಿತ ಸ್ನಾಪ್‌ಡ್ರಾಗನ್ X55 ಮೋಡೆಮ್‌ಗೆ ಹೋಲಿಸಿದರೆ ಇದು ಹೆಚ್ಚಿನ ದಕ್ಷತೆ ಮತ್ತು ವೇಗವನ್ನು ಹೊಂದಿರಲಿದೆ.
ಗೆಜೆಟ್ನೌ ಮಾಹಿತಿ ಪ್ರಕಾರ ಐಫೋನ್-13 ಪ್ರೊ 6.1 ಇಂಚಿನ (15.49 cm) OLED ಡಿಸ್ಪ್ಲೇ ಹೊಂದಿರಲಿದ್ದು, iOS v14 ಆಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯ ನಿರ್ವಹಿಸಲಿದೆ. ಹಾಗೆಯೇ ಒಟ್ಟು ನಾಲ್ಕು ಕ್ಯಾಮೆರಾ ಇದರಲ್ಲಿರಲಿದ್ದು, ಹಿಂಭಾಗದಲ್ಲಿ 12 MP + 12 MP + 12 MP ಮೂರು ಕ್ಯಾಮೆರಾ ಹಾಗೂ ಸೆಲ್ಫಿಗಾಗಿ ಮುಂಭಾಗದಲ್ಲಿ 12 MP ನೀಡಲಾಗುತ್ತದೆ. ಹಾಗೆಯೇ ಇದು 5ಜಿ ಸ್ಮಾರ್ಟ್ಫೋನ್ ಆಗಿರಲಿದೆ. ಇನ್ನು ನೂತನ ಐಫೋನ್-13 ಬೆಲೆ ಸುಮಾರು 89 ಸಾವಿರದಿಂದ ರೂ. ನಿಂದ ಶುರುವಾಗಲಿದ್ದು, ಐಫೋನ್ 12 ಪ್ರೊಗೆ (1 ಲಕ್ಷ 18 ಸಾವಿರ ರೂ.) ಹೋಲಿಸಿದರೆ ಐಫೋನ್-13 ಬೆಲೆ ಕಡಿಮೆ ಎನ್ನಬಹುದು.
