ಪ್ರತಿಭೋತ್ಸವದಲ್ಲಿ ಹ್ಯಾಟ್ರಿಕ್ ಚಾಂಪಿಯನ್ ಆಗಿ ದಾಖಲೆ ಮಾಡಿದ ಎಸ್ಸೆಸ್ಸೆಫ್ ಪಾಟ್ರಕೋಡಿ ಯುನಿಟ್
Bydtv
Oct 26, 2021ಮಾಣಿ: ಕರ್ನಾಟಕ ರಾಜ್ಯ ಸುನ್ನೀ ಸ್ಟೂಡೆಂಟ್ ಫೆಡರೇಶನ್ ಎಸ್ಸೆಸ್ಸೆಫ್ ಮಾಣಿ ಸೆಕ್ಟರ್ ನೇರಳಕಟ್ಟೆಯಲ್ಲಿ ನಡೆಸಿದ ಪ್ರತಿಭೋತ್ಸವ ಕಾರ್ಯಕ್ರಮದಲ್ಲಿ ಪಾಟ್ರಕೋಡಿ ತಂಡವು ಚಾಂಪಿಯನ್ ಆಗಿದ್ದು ದ್ವಿತೀಯ ಸ್ಥಾನವನ್ನು ಬುಡೋಳಿ ಯುನಿಟ್, ಮತ್ತು ತೃತೀಯ ಸ್ಥಾನವನ್ನು ಸೂರಿಕುಮೇರು ಯುನಿಟ್ ಪಡೆದುಕೊಂಡಿದೆ.
ಈ ಮೂಲಕ ಎಸ್ಸೆಸ್ಸೆಫ್ ಪಾಟ್ರಕೋಡಿ ಯುನಿಟ್ ಸತತವಾಗಿ ಮೂರು ಬಾರಿ ಚಾಂಪಿಯನ್ ಪಟ್ಟ ತನ್ನದಾಗಿಸಿಕೊಂಡು ಹ್ಯಾಟ್ರಿಕ್ ಸಾಧಿಸಿದೆ. ಅದು ಈ ಮೊದಲು ಪೆರ್ನೆ ಹಾಗೂ ಪಾಟ್ರಕೋಡಿಯಲ್ಲಿ ನಡೆದ ಪ್ರತಿಭೋತ್ಸವಗಳಲ್ಲಿ ಚಾಂಪಿಯನ್ ಪಡೆದಿತ್ತು. ಉತ್ತಮ ತರಬೇತಿ,ಪ್ರೋತ್ಸಾಹ ನೀಡುವ ನಾಯಕರುಗಳು, ಗೆಲ್ಲಲು ಹಾತೊರೆಯುವ ಪ್ರತಿಭೆಗಳು ಗೆಲುವಿನ ರೂವಾರಿಗಳಾಗಿದ್ದಾರೆ.
ಪ್ರತಿಯೊಂದು ಸ್ಪರ್ಧೆಯನ್ನೂ ಸವಾಲಾಗಿ ಸ್ವೀಕರಿಸಿ ಹೋರಾಟ ನಡೆಸುವ ಕಲೆಯು ಪಾಟ್ರಕೋಡಿ ತಂಡವನ್ನು ಸತತವಾಗಿ ಚಾಂಪಿಯನ್ ಆಗಿಸುತ್ತದೆ ಎಂಬುವುದು ವಿಜಯದ ಗುಟ್ಟು. ಪ್ರತಿಭೋತ್ಸವದಲ್ಲಿ ಬೆಳಗಿದ ಪ್ರತಿಭೆಗಳು ಭವಿಷ್ಯದ ಉತ್ತಮ ಪ್ರತಿಭೆಗಳಾಗಿ ಬೆಳೆಯಲಿ ಎಂಬುವುದೇ ಹಾರೈಕೆ.
