ಕೋಲ್ಕತ್ತಾ: ಕಳೆದ ಕೆಲ ತಿಂಗಳುಗಳ ಹಿಂದೆ ಜಗತ್ತಿನಾದ್ಯಂತ ವೈರಲ್ ಆದ ಕಚ್ಚಾ ಬಾದಮ್ ಹಾಡಿನ ಗಾಯಕ ಭುವನ್ ಬಡ್ಯಾಕರ್ ಅವರ ಕಾರು ಅಪಘಾತವಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆಂದು ವರದಿಯಾಗಿದೆ.
![](http://dtvkannada.in/wp-content/uploads/2022/03/1646109669260.jpg)
ದ್ವಿಚಕ್ರ ವಾಹನಗಳಲ್ಲಿ ಓಡಾಡುತ್ತಿದ್ದ ಭುವನ್ ಅವರು ತನ್ನ ಕಚ್ಚಾ ಬಾದಾಮ್ ಹಾಡಿನ ಮೂಲಕ ಪರಿಚಯವಾಗಿ ಅದನ್ನು ಯೂಟ್ಯೂಬ್ ನಲ್ಲಿ ರಿಲೀಸ್ ಮಾಡಿ ದಾಖಲೆಯ ವಿಕ್ಷಣೆ ಕೂಡ ನಡೆದಿತ್ತು.
ತದನಂತರ ಈ ಹಾಡನ್ನು ಹಾಡಿಸಿಕೊಂಡ ಸಂಸ್ಥೆಯಿಂದ ಇತ್ತೀಚೆಗೆ ಗಾಯಕನಿಗೆ ಲಕ್ಷದಷ್ಟು ಹಣ ಕೂಡ ಅವರ ಕೈ ಸೇರಿತ್ತು.
ಇತ್ತೀಚೆಗೆ ಖರೀದಿಸಿದ ತಮ್ಮ ಸೆಕೆಂಡ್ ಹ್ಯಾಂಡ್ ಕಾರನ್ನು ಹೇಗೆ ಓಡಿಸಬೇಕೆಂದು ಕಲಿಯುತ್ತಿದ್ದಾಗ ಈ ಘಟನೆ ನಡೆದಿದ್ದು ಈ ವೇಳೆ ಎದೆನೋವು ಕಾಣಿಸಿಕೊಂಡಿದ್ದು, ಸದ್ಯ ಅವರನ್ನು ಸೂರಿ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಪಶ್ಚಿಮ ಬಂಗಾಳದ ಬೀರ್ಭುಮ್ ಜಿಲ್ಲೆಯ ವಿವಿಧ ಗ್ರಾಮಗಳಿಗೆ ಕಡಲೆಕಾಯಿ ಮಾರಾಟ ಮಾಡುವ ಮೂಲಕ ಖರೀದಿದಾರರನ್ನು ಆಕರ್ಷಿಸಲು ಬಡ್ಯಾಕರ್ ಕಚಾ ಬಾದಮ್ ಹಾಡನ್ನು ಹಾಡುತ್ತಿದ್ದರು.