ಶ್ರೀ ಲಕ್ಷ್ಮೀ ವೆಂಕಟರಮಣ ದೇವರ ಮಠ ಆಡಳಿತ ಮೊಕ್ತೇಸರ ಅಗರ್ತಬೈಲು ಶ್ರೀಮಾನ್ ಸದಾಶಿವ ರೈ ರವರು ನಿಧನ
Bydtv
Aug 6, 2022
ಪುತ್ತೂರು: ಬುಳೇರಿಕಟ್ಟೆ ಶ್ರೀ ಲಕ್ಷ್ಮಿ ವೆಂಕಟರಮಣ ಮಠದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷರಾದ ಅಗರ್ತಬೈಲು ಸದಾಶಿವ ರೈ(76) ರವರು ಅಲ್ಪ ದಿನದ ಅನಾರೋಗ್ಯದಿಂದಾಗಿ ಇಂದು ಬೆಳಗ್ಗೆ ನಿಧನರಾಗಿದ್ದಾರೆಂದು ತಿಳಿದು ಬಂದಿದೆ.
ಮೃತ ವ್ಯಕ್ತಿಯಾದ ಸದಾಶಿವ ರೈ ರವರು ಈ ಮುಂಚೆ ಪುತ್ತೂರು ವಕೀಲ ಸಂಘದ ಹಿರಿಯ ಸದಸ್ಯರಾಗಿದ್ದರು ಜೊತೆಗೆ ಖ್ಯಾತ ವಕೀಲರು ಕೂಡ ಆಗಿದ್ದು ಹಲವಾರು ಸಮಾಜ ಸೇವೆಯಲ್ಲಿಯೂ ತನ್ನನ್ನು ತಾನು ತೊಡಗಿಸಿಕೊಂಡಿದ್ದರು.
ಶ್ರೀ ಲಕ್ಷ್ಮೀ ವೆಂಕಟರಮಣ ದೇವರ ಮಠ ಇದರ ಆಡಳಿತ ಮೊಕ್ತೇಸರರು ಆಗಿದ್ದು ಇವರ ಪಾರ್ಥಿವ ಶರೀರದ ದಹನ ವನ್ನು ಸುಮಾರು 1 ಘಂಟೆಯ ವೇಳೆಗೆ ಅಗರ್ತಬೈಲು ತರವಾಡು ಮನೆಯಲ್ಲಿ ನೆರೆವೇರಿಸಲಾಗುವುದು ಎಂದು ಕುಟುಂಬಿಕರು ತಿಳಿಸಿದ್ದಾರೆ.
ಮೃತರು ಮಗ, ಸೊಸೆ, ಮೊಮ್ಮಗುವನ್ನು ಮತ್ತು ಅಪಾರ ಬಂಧು ಬಳಗವನ್ನು ಅಗಲಿದ್ದಾರೆ.
