ಕಾಸರಗೋಡು: ಏರ್ವಾಡಿ,ಮುತ್ತುಪೇಟೆ ಎಂಬಂತೆ ಹಲವು ಮಕ್ಬರಗಳ ಝಿಯಾರತಿಗೆ ತೆರಳಿದ್ದ ವಿಧ್ಯಾರ್ಥಿಗಳ ತಂಡ; ಮುತ್ತುಪೇಟೆಯಲ್ಲಿ ಸ್ನಾನಕ್ಕಿಳಿದಾಗ ನಡೆದ ಅನಾಹುತ; ನೀರಿನಲ್ಲಿ ಮುಳುಗಿ ಅನ್ಸಾಪ್ ದಾರುಣ ಮೃತ್ಯು
Bydtv
Dec 16, 2022
ಕಾಸರಗೋಡು: ಏರ್ವಾಡಿ,ಮುತ್ತುಪೇಟೆಗೆ ಮಕ್ಬರ ಝಿಯಾರತ್ತಿಗೆ ತೆರಳಿದ್ದ ಕಾಸರಗೋಡಿನ ವಿದ್ಯಾರ್ಥಿ ಅಲ್ಲಿನ ಕೆರೆಯಲ್ಲಿ ಸ್ನಾನ ಮಾಡುತ್ತಿದ್ದ ಸಂದರ್ಭದಲ್ಲಿ ನೀರಿನಲ್ಲಿ ಮುಳುಗಿ ಮೃತಪಟ್ಟ ಘಟನೆ ವರದಿಯಾಗಿದೆ.
ಘಟನೆಯಲ್ಲಿ ಮೃತಪಟ್ಟ ಯುವಕನು ತಮಿಳುನಾಡಿನ ಏರ್ವಾಡಿಗೆ ತೆರಳಿದ್ದು ಈತನು ಪೈವಳಿಕೆಯ ದೇವಕ್ಕಾನದ ಮುಹಮ್ಮದ್ ಹನೀಫ್ ಹಾಜಿ ಎಂಬವರ ಪುತ್ರ ವಿದ್ಯಾರ್ಥಿ ಅನ್ಸಾಫ್ (18) ಎಂದು ತಿಳಿದು ಬಂದಿದೆ.
ಅನ್ಸಾಫ್ ಏರ್ವಾಡಿ ಮುತ್ತುಪೇಟೆ ಮಕ್ಬರ ಬಳಿ ಇರುವ ಕೆರೆಯಲ್ಲಿ ಮುಳುಗಿ ಮೃತಪಟ್ಟಿರುವುದಾಗಿ ವರದಿಯಾಗಿದೆ.
ವಿದ್ಯಾರ್ಥಿ ಅನ್ಸಾಫ್ ಸೇರಿದಂತೆ ಸುಮಾರು 50 ವಿಧ್ಯಾರ್ಥಿಗಳು ಮೂರು ದಿನಗಳ ಹಿಂದೆ ತಮಿಳುನಾಡಿನ ವಿವಿಧ ಸ್ಥಳಗಳಲ್ಲಿರುವ ಹಲವು ಮಕ್ಬರಗಳ ಝಿಯಾರತ್ ಗಾಗಿ ತೆರಳಿದ್ದು ಗುರುವಾರ ಬೆಳಗ್ಗೆ ಇತರ ವಿದ್ಯಾರ್ಥಿಗಳ ಜೊತೆ ಕೆರೆಯಲ್ಲಿ ಸ್ನಾನಕ್ಕಿಳಿದಾಗ ಈ ಅವಘಡ ಸಂಭವಿಸಿದ್ದು ಇದರಲ್ಲಿ ಅನ್ಸಾಫ್‌ರವರು ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
