ಮಂಗಳೂರು: ತಂದೆಯ ನಿರ್ಲಕ್ಷತೆಯಿಂದ ಮೃತಪಟ್ಟ ಹತ್ತು ತಿಂಗಳ ಕೂಸು
ತಂದೆ ಸೇದಿ ಎಸೆದಿದ್ದ ಬೀಡಿಯ ತುಂಡು ನುಂಗಿ ಮಗು ಮೃತ್ಯು
ಮಂಗಳೂರುನಲ್ಲಿ ನಡೆದ ಹೃದಯವಿದ್ರಾಕ ಘಟನೆ
Bydtv
Jun 17, 2025
ಮಂಗಳೂರು: ತನ್ನ ತಂದೆ ಬೀಡಿ ಸೇದಿ ಎಸೆದಿದ್ದ ಬೀಡಿಯ ತುಂಡನ್ನು ನುಂಗಿ ಹತ್ತು ತಿಂಗಳ ಮಗುವೊಂದು ಮೃತಪಟ್ಟ ಹೃದಯ ವಿದ್ರಾಕ ಘಟನೆ ಮಂಗಳೂರು ಸಮೀಪದ ಅಡ್ಯಾರ್ ನಲ್ಲಿ ಸಂಭವಿಸಿದೆ.
ಮೃತಪಟ್ಟ ಮಗುವನ್ನು ಮೂಲತಃ ಬಿಹಾರದ ದಂಪತಿಗಳ ಹತ್ತು ತಿಂಗಳ ಕೂಸು ಅನಿಶ್ ಕುಮಾರ್ ಎಂದು ಗುರುತಿಸಲಾಗಿದೆ.
ಶನಿವಾರ ಮದ್ಯಾಹ್ನ ತನ್ನ ತಂದೆ ಸೇದಿ ಎಸೆದಿದ್ದ ಬೀಡಿಯ ತುಂಡನ್ನು ಮಗು ಬಾಯಿಗೆ ಹಾಕಿದ್ದು ಅಸ್ವಸ್ತನಾಗಿದ್ದ ಮಗುವನ್ನು ತಕ್ಷಣವೇ ವೆನ್ಲಾಕ್ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಲಾಗಿತ್ತು ಆದರೆ ಚಿಕಿತ್ಸೆಗೆ ಸ್ಪಂದಿಸದೇ ಆದಿತ್ಯವಾರದಂದು ಮಗು ಮೃತಪಟ್ಟಿದ್ದಾಗಿ ತಿಳಿದು ಬಂದಿದೆ.
ಮಗುವಿನ ತಾಯಿ ಈ ಮುಂಚೆ ಹಲವಾರು ಬಾರೀ ತನ್ನ ಗಂಡನ್ನು ಎಚ್ಚರಿಸಿದ್ರು ಆದರೂ ಕೂಡ ಬೀಡಿ ಸೇದಿ ಮನೆಯ ಒಳಗಡೆನೇ ಬೀಡಿಯ ತುಂಡನ್ನು ಎಸೆದಿದ್ದರಿಂದ ಮಗು ಅದನ್ನು ನುಂಗಿ ಮೃತಪಟ್ಟಿದೆ.
ತನ್ನ ತಂದೆಯ ಸಣ್ಣ ಅಜಾಗರೂಕತೆ ತನ್ನ ಕರುಳಕುಡಿಯ ಜೀವವನ್ನೇ ತೆಗೆದು ಬಿಟ್ಟಿದೆ ಎನ್ನಲಾಗುತ್ತಿದೆ.
